كلمة حق

لازم نعرف

ان المرة دى انتخابات مجلس الشعب غير اى مرة لانها هتكون اهم انتخابات من سنه 1866 يعنى نقول كدا من 146 سنه لأن المجلس ده هو اللى حيحدد حياتنا و مستقبلنا و مستقبل أولادنا و حيبين مكانة مصر قدام الدول الديمقراطية ف العالم كله .

لازم نعرف كويس انه هو اللى هاكتب الدستور الجديد بالموصفات اللى طلبها الشعب فى ثورة يناير و هو بردة اللى هايشكل اول حكومة ديمقراطيه بجد لانه هايكون المرة دى الشعب هو اللى اختار و هايكون لأول مرة فى تاريح مصر رئيس جمهورية منتخب و يكون مختارة الناس من بين مجموعة مرشحين من غير تزوير من غير رشوه من غير أى تدخل أمنى وحاجات كتير كلنا عارفنها و كانت بتحصل .

علشان نبقة و نكون و لأن المجلس ده مهم جداً لحياتنا لازم نقول ...لازم نشارك... و تنتخب اللى يستحق صوتك بجد اللى هيخدم و يعمل للبلد دى و ولادها مش علشان يخدم نفسه و مصلحته

 كل واحد من سن 18 سنه له حق التصويت و بالبطاقة الشخصية يديه للي يستحق مش اللى يدفع  و بيشترى صوتك اللى لا يساويه مال الدنيا و لازم نعرف ان اللى بيدفع حاجة دلوقتى هيكون هدفه انه يجمع  أد اللى دفعه .

لازم تعرفوا إن دور عضو مجلس الشعب هو دور تشريعى يعنى هو اللى بيشارك فى عمل قوانين البلد بعد ما بيدرسها كويس و مراجعة الموزنه العامة فى الفلوس اللى بتتصرف ع التعليم و الصحة و بيوقع الأتفقيات الدوليه و مش بس كدا و بيقوم كمان بدور رقابى على الحكومة و بيتأكد انها بتشتغل ومش بتسرق ولا مهمله و يقدر يحاسبها لو قصرت فى ده .

لازم نشارك ... لازم نقول رأينا ... لازم نختار

اللى هايفيد البلد دى و يخدم اهلها

ولان ثورتنا كانت ثورة شباب من البدايه مش ثورة احزاب زى مابقت فى النهايه

رشحت نفسى عمال فردى بس مش لوحدى معايا شباب كتير زيى واقفين ورايا و معايا لابننتمى لحزب و لا جماعه كل همنا اننا نوصل صوتنا و ان كل العالم يسمعنا و يحس بينا وبالى جوانا و نخرج طاقنا و اصوتنا المكبوته من سنين .

و اهدفنا هى :.

·   حمايه البياعيين اللى هم لا ليهم تأمين و شغالين طول النهار بمقابل مايسويش تمن وقفته طول اليوم و هادت حيله ولو جرا له حاجة ملوش اى حق .

·   عمل مشروع لتأمين الباعه الجائلين من مطاردة المرافق لهم و عمل سوق ب رسوم بيسطه لهم و يشرطة ان يكونوا من ابناء الدائرة .

·       مشروع لمحو امية الصغار و الكبار  - مننا فينا و ها نعلم اهلينا –

·       مشروع التطوير التكنولوجى المعتمد دوليا لعلوم الحاسب الالى .

·       مشروع ابداء بفكرة ( فكرة مشروع جديد ليك  نطورة و نبنيه و نميه )

·   مشروع اتعلم صنعه لمستقبلك هنقوم بتأهيل اخوتنا حاملى الدبلومات الفنيه  فى مراكز متخصصة نعلمهم و نأهلهم ننمي شهادتهم من ورقيه لعمليه يستفيدو بيها

·   مشروع ارضنا و زرعنا – و هى عبارة عن تخصيص قطعه ارض لزراعتها و عمل فريق تسويق مننا لبيع المحاصيل الزراعيه .

·       المتابعه المستشفيات و الأشراف عليها حتى تقدم افضل سبل الرعايه الصحيه لنا .